թամար փանոսեան

Հայկական Աւանդութիւններ եւ Երգեր

Ո՞վ եմ ես

  • Միշտ սիրած եմ իմ հայ ինքնութիւնս եւ մշակոյթս եւ միշտ սիրած եմ երգել: Մանկութեանս՝ բազմաթիւ ելոյթներ ունեցած եմ հայելիիս դիմաց, ապա աւելի ուշ՝ հետեւած եմ ձայնամարզութեան դասերու, հասնելով իսկական բեմերու, հայելիիս փոխարէն: Հրաւիրուած եմ ելոյթ ունենալու համայնքիս զանազան ձեռնարկներուն ընթացքին, խաղացած եմ թատերական ներկայացումներու մէջ եւ տուած եմ իմ առանձին համերգներս:

    Փորձած եմ տարբեր երաժշտական ոճեր, բայց նախընտրութիւնս միշտ եղած է ժողովրդականը: Երբ վերջին տարիներու ընթացքին կ’ուսումնասիրէի ժողովրդական աւանդութիւնները եւ երգերը, սիրահարուեցայ Կոմիտասի գործերուն եւ մեր աւանդութիւններուն: Շուտով անդրադարձայ, որ շատ բան կար իմ մշակոյթիս մասին, զոր չէի գիտեր եւ վստահ էի, որ նոյնպէս շատ մը ուրիշներ չէին գիտեր։

    Հաստատ համոզուած եմ, որ գիտելիքը պէտք է բաժնել ուրիշներու հետ։ Այդ է պատճառը, որ որոշեցի իմ սորվածս համացանցի միջոցաւ բաժնել տեսերիզներով։ Եւ այսպէս ծնաւ tamarpanossian.com-ը։

    Կրնաք նաեւ իմ Ֆէյսպուքի էջս հետեւիլ, հոն հաճախ նոր տեղեկութիւններ կամ նկարներ կը տեղադրեմ 🙂